2019: Leonardo da Vinci

 

Semeya: Eurocoin

Motivu conmemorativu: 500 Cabudañu de Leonardo da Vinci 

Tirada: 60.500           Fecha d’emisión: Abril

     Leonardo di ser Piero da Vinci (1452​-1519) pintor, anatomista, arquiteutu, paleontólogu,​ artista, botánicu, científicu, escritor, escultor, filósofu, inxenieru, inventor, músicu, poeta y urbanista florentín del Renacimientu italianu. Estudió col pintor Andrea de Verrocchio. Los sos primeros trabayos importantes féxolos en Milán al serviciu del duque Ludovico Sforza, colando depués per dellos llugares d’Italia y finando los sos caberos años en Francia al serviciu de Franciscu I. De talentu desbordante, ye bien difícil identificalu con una sola disciplina, ya que fexo sorprendentes inventos d’inxeniería y desarrolló nuevos conocimientos nel campu científicu. Ensin embargu pasará a la hestoria principalmente pola pintura, gracies a cuadros perconocíos como La Guioconda o La Cena cabera.

 

     Recordai qu’Italia tamién sacó esti añu una moneda dedicada al mesmu fechu.

     Nel intre la moneda aparez un detalle de la so pintura Bautismu de Cristu, en concretu el bustu d’un ánxelu. Alredor, el nome del país emisor SAN MARINO seguío de la lleenda 1519 LEONARDO 2019 (que ye tamién l’añu acuñación). Tres les guedeyes del ánxelu aparez el monograma de la diseñadora Uliana Pernazza (una UP estilizá). La marca de la ceca de Roma R aparez na hombrera.

     Nel aniellu esterior les doce estrelles de la Xunión europea.

     Fonte: Wikipedia. Leonardo da Vinci

                 Diariu oficial de la Xunión europea a traviés d’Eurocoin (castellán)