2019: Descubrimientu de Madeira y Porto Santo

 

Semeya: collectorcoin

Motivu conmemorativu: VI Centenariu del descubrimiento de les islles Madeira y Porto Santo

Tirada: 520.000           Fecha d’emisión: 6 de xunu

 

     La Região Autónoma da Madeira (Rexón Autónoma de Madeira) ye un archipiélagu asitiáu nel Océanu Atlánticu pol frente de Marruecos y enriba las Islas Canarias y formada por dos islles principales habitaes, Madeira y Porto Santo y otros dos grupos d’islles non habitaes nomaes Ilhas Desertas ya Ilhas Selvagens. La so capital ye Funchal, asitiada en Madeira, la islla mayor. Ya yeren conocíes polos romanos, pero foron los portugueses los que arribaron y les colonizaron. La primera en ser descubierta foi la de Porto Santo polos mariñanes Tristão Vaz Teixeira y João Gonçalves Zarco en 1418; nomáronla asina porque foi puertu segur upa la flota durante una tempestá. Al añu siguiente lleguen a Madeira xunto col mariñán Bartolomeu Perestrelo; nomáronla asina porque yera una enorme viesca de laurisilva hasta qu’entamaron cola so tala. Anguañu, lo que queda d’esta viesca ta protexío y ye Patrimoniu de la UNESCO dende 1999.

     Esti fechu pasó a ser el primer descubrimientu territorial del reinu de Portugal, poro, la so trescendencia marcó’l camín de los nuesos vecinos como potencia marítima y dando llugar a la so Estaya de los Descubrimientos (1418-1522).

     Nel intre aparez la silueta del archipiélagu con unes llínies qu’identifiquen les llínies de rumbu marcaes polos mariñanes portugueses nos sos mapes de la época. Alredor, la lleenda 600 anos do Descobrimento da Madeira e de Porto Santo Portugal 2019. Sol nome de Madeira, la marca de la ceca de Lisboa INCM y, so Porto, la robla del diseñador Júlio Pomar.

     Nel aniellu esterior les doce estrelles de la Xunión Europea.

     Fontes: Wikipedia. Madeira. Porto Santo (castellán)

                   Numismática visual (castellán)

                   Diariu Oficial de la Xunión europea a traviés d’Eurocoin (castellán)