2019: Honoré V

 

Semeya: eurocoinland

Motivu conmemorativu: Bicentenariu de la xuba al tronu del príncipe Honoré V 

Tirada: 15.000           Fecha d’emisión: 12 setiembre 

     Honorato V Gabriel Grimaldi (1778-1841) fíu d’Honorato IV de Mónacu (1758-1819) y Lluisa d'Aumont, duquesa de Mazarin (1759-1826). Nun llegó a casase pero tuvo un fíu cola so ama Félicité Pronault de Gamaches, Lluis (u Oscar pa otros) Grimaldi (1807-1814) y tituláu Marqués de Baux pol so pá según el drechu monegascu. Al tar anexonáu’l Pricipáu a Francia ente 1793 y 1814, solo podía recibir el tratamientu de barón de Mónacu y del Imperiu; en 1815 pasó a ser rexente del Principáu durante’l gobiernu de so pá hasta qu’esti morriere, siendo tituláu príncipe dende 1819. Morrió en 1841 ensin descendientes, polo que foi sucedíu pol so hermanu Florestán I.

     Al ser una tirada tan escasa, les monedes tan acuñaes en calidá proof y solo pa colleicionistes.

     Nel intre aparez el bustu del prícipe. Alredor, el so títulu HONRÉ V y el nome del país emisor MONACO llindiaos pola marca de la ceca de Pessac y el so direutor.  Zarria’l círculu la lleenda 1819 Avènement 2019 (que tamién ye l’añu acuñación).

     Nel aniellu esterior les doce estrelles de la Xunión europea.

     Fontes: Wikipedia. Honorato V (castellán)

                   Munismáticavisual (castellán)