2017: Yacimientu de Filipos

Motivu conmemorativu: Yacimientu arqueolóxicu de Filipos

Tirada: 750.000               Fecha d’emisión:

     Filipo II de Macedonia fundó esta ciudá allá pel añu 356 e.C. Asitiada ente Macedonia y Tracia yera ciudá de pasu, en tiempos de Roma, na Vía Egnatia que xunía Europa con Asia. Esta posición estratéxica na vía, asina como la cercanía de mines d’oru, fexo que la ciudá fore un auténticu fortín. Tres la visita del apóstol San Pablu a la ciudá, foi tamién un focu vital nel espansionismu del cristianismu. Con too esti historial, nun ye un res raro que tenga una bayurosa riqueza arqueolóxica d’orixe griegu y romanu, asina como templos de los primeros cristianos. La ciudá tuvo habitada hasta’l sieglu XV y finó siendo una cantera emplegada polos invasores turcos. El yacimientu foi declaráu Patrimoniu de la Humanidá nel 2016.   

     Nel intre la moneda aparez parte de la Basílica B y motivos lliniales inspiraos nel trazáu de la cenefa d’un vieyu mosaicu griegu descubiertu nel yacimientu. Alreor, en semicírculu aparez la lleenda APXAIOΛOΓIKOΣ XΩPOΣ ΦIΛΠΠΩN (YACIMIENTU ARQUEOLÓXICU DE FILIPOS), el nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena) y l’añu d’emisión 2017. A mandrecha tá la marca de la ceca de Halandri y a manzorga, enriba la cenefa, vese’l monograma del artista Georgios Stamatópoulos.

     Nel aniellu esterior les doce estrelles de la Xunión Europea.