2017: Llazu rosa escontra’l cáncer

Motivu conmemorativu: 25 Aniversariu del llazu rosa escontra’l cáncer de mama

Tirada: 10.000.000               Fecha d’emisión: 25 setiembre

     El llazu rosa ye un símbolu internacional emplegáu por persones, compañíes y organizaciones que se comprometen a crear conciencia sobre’l cáncer de mama. Foi Evelyn H. Lauder, Vicepresidenta Corporativa Senior d’Estée Lauder y Alexandra Peney de Self Magazine (revista de salú pa muyeres) quienes inventaron esti símbolu. El rosa, tan identificáu colo femenín, ye un color qu’asemeya dulzura y gayola, tolo contrario a lo que ye’l cáncer. Con esta acuñación, la Casa de la Moneda francesa sofita tala iniciativa. Dende va 15 años, esiste un premiu llazu rosa pa puxar pola investigación y la innovación.

     Nel intre la moneda aparez un bustu femenín colos pechos protexíos pol antebrazu y la man col llazu. A mandrecha vese la lleenda 25e ANNIVERSAIRE DU RUBAN ROSE. Al llau, los años 1992-2017 de la conmemoración, siendo l’últimu tamién l’añu emisión; l’abreviatura del país emisor, RF, y les marques de la ceca de Pessac y el so direutor.

     Nel aniellu esterior les doce estrelles de la Xunión Europea.