2017: Serie Rexones Letones: Latgale

Motivu conmemorativu: Rexones Históriques y Culturales de Letonia: Latgale

Tirada: 530.000              Fecha d’emisión: Ochobre

 

     Les rexones históriques de Letonia son territorios carauterizaos por un entornu cultural ya históricu únicu y que conforma la identidá común de los sos habitantes. La dixebra de Letonia en rexones ye enforma abegoso, ya que no que se refier a temes culturales, xeográficos y de llendes, suelen solapase de manera enguedeyada. Tres la independencia de 1991 y l’aprobación de la Constitución de 1993, el país quedó dixebráu en cuatro rexones históriques, Vidzeme, Latgale, Kurzeme y Zemgale. A partir de 2006, Riga, capital del país, conformó una quinta rexón con tierres de Vidzeme, Kurzeme y Zemgale.

 

     Latgalia, pa los llatinos, ye la rexón más oriental del país. Mientres que nes otres rexones (y perende en Letonia) la relixón mayoritaria ye la lluterana, en Letgale ye la católica. Tamién tienen llingua propia y los estudiosos nun son a ponese d’alcuerdu si ye un dialeutu del letón o non. Como tou territoriu de frontera, pasó de manes en manes, o foi repartíu ente los sos vecinos, o acombayó con otros territorios. En 1920 entra a formar parte del Estáu letón.

 

 

     La representación heráldica d’esta rexón ye un grifu plateáu. El so emplegu como seña asítiase pel añu 1566, cuando la rexón tuvo sol control de Polonia y Lituania. 

     Nel intre la moneda apaez l’escudu de la rexón histórica de Latgale.  No cimero alcuéntrase el nome del país emisor LATVIJA y, no fondero, el nome la rexón LATGALE. A mandrecha figura l’añu d’emisión 2017.

     Nel aniellu esterior les doce estrelles de la Xunión Europea.