2015: Ľudovít Štúr

Motivu conmemorativu: 200 Años del nacimientu de Ľudovít Štúr

Tirada: 1.000.000               Fecha d’emisión: 23 d’ochobre

     Ľudovít Štúr (Uhrovec, Eslovaquia, 29 d’ochobre de 1815- Modra, 12 xineru de 1856) escritor y pastor protestante, líder del surdimientu cultural eslovacu. Participó activamente na vida lliteraria y política del país, rescamplando como llingüista. Los sos estudios centráronse nel estudiu de les variantes dialeutales eslovaques del centru la rexón, por ser éstes les menos contaminaes pol húngaru. De les sos obres, destacar al respeutu la titulada Sobre’l dialeutu eslovacu y la necesidá d’escribir n’esi dialeutu. Vamos, qu’esti home foi’l padre Galo de los eslovacos, que d’aquella yeren súbditos del Imperiu Austro-Húngaru, poro, col alemán y l'húngaru como llingües oficiales emplegaes pola alministración del imperiu.

     Nel intre la moneda aparez un retratu de Ľudovít Štúr. A mandrecha, vese l’añu d’emisión 2015 y el nome del país emisor SLOVENSKO allendáu pola marca la ceca de Kremnica y les iniciales del diseñador Ivan Řehák (IŘ). A manzorga, aparecen los años de nacimientu y muerte d’Štúr 1815-1856 y el so nome ĽUDOVÍT ŠTÚR.

     Nel aniellu esterior les doce estrelles de la Xunión Europea.