2011: Grupu de Visegrád

Motivu conmemorativu: 20^u Aniversariu de la creación del Grupu de Visegrád

Tirada: 1.000.000               Fecha d’emisión: 10 xineru

     El Grupu de Visegrád (o Triángulu de Visegrád) ye una andecha rexonal ente los Xefes d’Estáu y de Gobiernu de Checoslovaquia, Hungría y Polonia nacía nel palaciu de la localidá de Visegrád (Hungría) el 15 febreru de 1991, col obxetivu primordial de cooperar n’ámbitos d’interés común dientro del so procesu d’integración na Xunión Europea tres el desaniciu del Pautu de Varsovia. A partir de 1993, cola dixebra de Checoslovaquia en dos países (República Checa y República Eslovaca) al grupu se-y conoció como Visegrád 4 ó V4.

     Polo que se ve esta xuntanza ya vién d’antanu, pues ya nel 1335 y nel mesmu escenariu, los reis Carlos Robertu d’Hungría, Casimiru III de Polonia y Xuan I de Bohemia alcordaran un pautu de non agresión y collaboración mutua.

     Nel intre la moneda aparez el relieve de los cuatro Estaos centroeuropeos col logu del grupu (V IV); sol mapa aparez l’añu d’emisión 2011 y el nome’l país emisor SLOVENSKO cola marca la ceca de Kremnica y la del diseñador Miroslav Rónaiis (MR). Arrodia’l diseñu la lleenda VYŠEHRADSKÁ SKUPINA•VISEGRAD GROUP 15.2.1991.

     Nel aniellu esterior les doce estrelles de la Xunión Europea.