2014: Entrada d’Eslovaquia na Xunión Europea

Motivu conmemorativu: 10^u Aniversariu de la entrada d’Eslovaquia na Xunión Europea

Tirada: 1.000.000               Fecha d’emisión: 1^u d’abril

     Eslovaquia foi invitada pol Conseyu européu, nel aconceyamientu de Helsinki de payares de 1999, a sentase a negociar la so entrada na XE. Les negociaciones entamaron en marzu del 2000 en Bruseles y finaron n’avientu del 2002 nel aconceyamientu de Copenhague. El 16 d’abril de 2003, la República d’Eslovaquia robla’l Tratáu d’Adhesión pa cola Xunión; el primeru xunetu ye aprobáo pola Asamblea de la República y el 16-17 de mayu celebra un referéndum nel que’l pueblu respalda l’alcuerdu por mayoría. El 1^u mayu de 2004 Eslovaquia conviértese en miembro de la Xunión Europea.

     El diseñu la moneda foi’l ganador d’un concursu al que se presentaron 24 diseños d’11 artistes. Un comité d’evaulación escoyó a los finalistes y al ganador (más abaxo, podeis ver los otros finalistes)

     Nel intre la moneda aparecen les lletres estilizaes EÚ (abreviatura de Xunión Europea n’eslovacu; ver lleenda) y l’escudu nacional. A mandrecha, aparecen la fecha d’adhesión del país a la XE (1.5.2004) y so ella l’añu emisión de la moneda (2014). Alredor del diseñu aparez la lleenda 10. VÝROČIE VSTUPU DO EURÓPSKEJ ÚNIE (10^u Aniversariu entrada na Xunión Europea) y el nome del país emisor, SLOVENSKO, allendáu pola marca de la ceca de Kremnica y les iniciales de la diseñadora Mária Poldaufová (MP).

     Nel aniellu esterior les doce estrelles de la Xunión Europea.

     y equí los diseños finalistes:

     Esti diseñu quedó en segundu llugar, y tamién ye obra de l’artista Mária Poldaufová.

 

     El tercer finalista foi un diseñu de Branislav Ronai, nel que les estrelles fain referencia a la entrada de 10 nuevos países esi mesmu añu.