2024: V centenariu de la fundación del Principáu de Mónacu

 

Semeya: collectorcoins

Motivu conmemorativu: V Centenariu del Tratáu fundacional del Principáu de Mónacu col emperador Carlos V

Tirada: 15.000               Fecha d’emisión: 17 xunu

     Franceses y xenoveses codiciaben esti pequeñu requexu a orielles del Mediterráneu polo que a la familia Grimaldi, gobernantes de Mónacu dende 1297, nun –y queda otra que negociar col rei más poderosu del momentu, Carlos I de Castiella y Aragón y II de Navarra, a la par qu’emperador del Sacru Imperiu Romanu-Xermánicu, como Carlos V. Lo que’n realidá fexo Agustín Grimaldi foi roblar un tratáu colos reis de Castiella (Xuana y Carlos) y que Mónacu gozare d’una ámplia autonomía que lu protexera de los sos vecinos. Los Trataos de Tordesilles y Burgos de 1524, reconocíen la soberanía de los Grimaldi sobre Mónacu, los poníen so la proteición del emperador y acantonaben tropes castellanes na so fortaleza, permaneciendo nel llugar durante unos 100 años.

    Nel intre la moneda apaez la efixe de carlos V al más puru estilu de los emperadores romanos, corona de lloréu y ropaxe militar. Alreor, el nome del país emisor MONACO y la lleenda 1524-TRAITÉ AVEC CHARLES QUINT-2024 ente diamantes (2024 ye l’añu d’acuñación tamién). Na espalda del monarca, la marca la ceca de Pessac (Francia) y la del grabador xefe Joaquin Jimenez.

     Nel aniellu esterior les doce estrelles de la Xunión Europea.

     Fonte: Wikipedia: Mónaco (castellán)

                 Numismática visual (castellán)