2024: Revolución de los claveles

 

Semeya: collectorcoins

Motivu conmemorativu: 50 Aniversariu del alzamientu del 25 d’abril de 1974 (Revolução dos Cravos) 

Tirada: 515.000           Fecha d’emisión: 22 d’abril

 

     La Revolución de los Claveles (Revolução dos Cravos) ye’l nome dau al llevantamientu militar del 25 d’abril de 1974 que provocó l’esbarrumbe en Portugal de la dictadura de Salazar, asitiáu nel poder dende 1926 y fundador del nomáu Estado Novo allá pel añu 1933. El guelpe d’Estáu foi llideráu por Antonio de Spínola y sofitáu por una bayura d’oficiales de les Fuercies Armaes portugueses, los cualos entraron colos tanques en Lisboa. Bona parte de la población civil salió a la cai como sofitu a la revolución; les sos armes foron non más que claveles, que –yos daben a los soldaos pa pedi-yos una revuelte pacífica ya ensin tiros.

     Nel 2014 Portugal ya sacare una moneda conmemorativa de 2 euros pol 40 aniversariu de la revuelta.

     Nel intre la moneda apaez un clavel llindiáu por una duerna círculos que, según l’artista, vienen a decir que los tiempos y la xente cambien, pero caltienense los principios revolucionarios. Alredor, la lleenda Esta é a madrugada que eu esperaba in “O nome das cousas” Sophia de Mello Breyner Andresen (estrofa, títulu del poemariu y nome de la so autora). Siguen cuatro escudos portugueses a mou de cruz griega, el nome del país emisor, la fecha de la efeméride, 25.04.1976 y l’añu emisión 2024. Remata’l cíirculu el nome del diseñador HENRIQUE CAYATTE y la marca de la ceca CASA DA MOEDA.

     Nel aniellu esterior les doce estrelles de la Xunión Europea.

     Fontes: Wikipedia. Revolución de los claveles

                  Numismática visual

                  Numista.es: 2 euros 2024 (25 de abril)