 |
|
Semeya: collectorcoins |
Motivu conmemorativu: Pola Paz ente los países
Tirada: 1.000.000 Fecha d’emisión: 15 payares
La busca de la Paz nel mundu abúltase utópica y quimérica. Ensin embargu, delles vegaes, países y aconceyamientos populares, tráenmos l’alcordanza d’esta imperiosa necesidá pal mundu actual. Dende les propies Naciones Xuníes, púxase polo que se denomina “Cultura de la Paz” tomando como base los principios de los Drechos Humanos. Tolerancia, democracia, resolución de conflictos de manera pacífica… y dos apéndices estres pa protexer la infancia y promocionar la participación de les muyeres.
Nel intre la moneda apaez la palabra Paz escrita en tolos idiomes oficiales de los países de la eurozona y teniendo como epicentru un globu terráqueu. Pela contornera del diseñu apaez la marca de la ceca CASA DA MOEDA el nome del diseñador José S. Teixeira, el nome del país emisor PORTUGAL y l’añu emisión 2023.
Nel aniellu esterior les doce estrelles de la Xunión europea.
Fontes: Wikipedia. Naciones Xuníes. Cultura de la Paz
No hay comentarios:
Publicar un comentario