2022: Polizia di Stato

 

Semeya: collectorcoins

Motivu conmemorativu: 170 aniversariu de la Polizia di Stato

Volume d’emisión: 3.000.000         Fecha d’emisión: 2^u trimestre

 

     La Polizia di Stato ye l’equivalente italianu de la Policía Nacional española. Nació en 1852 como Corpo delle Guardie di Pubblica Sicurezza (Cuerpu de les Guardies de la Seguranza Pública). El cuerpu foi desmilitarizáu en 1981 y renomáu col so nome d’anguañu. Depende diréutamente del Ministeriu del Interior, siendo tamién, el direutor xeneral del Departamentu de Seguranza Pública, el xefe de la policía. Como curiosidá, indicar que los coches patrulla suelen ser Alfa Romeo, pero que tamién tienen dalgún Lamborghini.

 

     Nel intre la moneda apaecen dos axentes del cuerpu policial delantre d’un coche patrulla. Riba, la lleenda POLIZIA DI STATO; a mandrecha, la marca identificativa del país emisor RI, y abaxo, los años 1852-2022 (la efeméride y l’añu acuñación) a manzorga, no baxo. A los pies de los axentes, la marca de la diseñadora Annalisa Masini, A.M.

 

 Nel aniellu esterior, les doce estrelles de la Xunión europea.

 

     Fontes: Wikipedia. Polizia di stato (castellán)

                  Numismática visual (castellán)