2020: Xuntanza de Tracia con Grecia

 

Semeya: collectorcoins

Motivu conmemorativu: Centenariu de la xuntanza de Tracia con Grecia

Volume d’emisión: 750.000         Fecha d’emisión: Mayu

 

     Tracia ye una rexón histórica asitiada ente’l mar Exéu, el mar Nigru y la cordillera de los Balcanes. Anguañu repártensela Grecia, Bulgaria y Turquía. Zona bien codiciada polos sos recursos mineros, pasó a lo llongo la so hestoria por dixebriegues manes, siendo’l caberu imperiu en ocupala l’otomán o turcu. Tres la primer guerra mundial, féxose’l repartu actual, pasando a manes griegues zones tanto búlgares como turques. L’exércitu griegu tuvo qu’emplegase a fondu pa someter a los sos habitantes, en clara rebeldía escontra los nuevos amos. Dexo equí el nome del traciu más conocíu de la historia: Espartacu.

 

     Nel intre la moneda aparez una imaxe d’una moneda antigua griega, un tetróbolu o estátera, acuñada pel sieglu III o IV e.C. na ciudá d’Abdera na Tracia. El grifu, un ser mitolóxicu mitá llión y mitá áigla, qu’aparez yera l’emblema la ciudá y aparecía nes sos acuñaciones. Na pata delantera aparez el monograma del diseñador Georgios Stamatopoulos. Alredor, la lleenda 100 XPONIA AΠO THN ENΣΩMATΩΣH THΣ ΘPAKHΣ (100 años de la xuntanza de Tracia a Grecia) y el nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena) cola marca la ceca.

     Nel aniellu esterior, les doce estrelles de la Xunión europea.

     Fontes: Wikipedia. Tracia

                   Numismática visual (castellán)

                   Diariu Oficial de la XE a traviés d’eurocoin