2020: Charles de Gaulle

 

Semeya: Numismaticavisual

Motivu conmemorativu: 50 cabudañu del xeneral De Gaulle y 80 Aniversario del Llamamientu del 18 xunu 

Volume d’emisión: 18.061.940         Fecha d’emisión: 18 xunu

     Charles André Joseph Marie de Gaulle (1890-1970) xeneral y estadista francés que dirixó la resistencia francesa escontra l’Alemania nazi na Segunda Guerra Mundial. Presidió’l Gobiernu Provisional de la República Francesa de 1944 a 1946 pa restablecer la democracia en Francia. Tres un retiru llongu de la vida política, tornó en 1958 a petición del Presidente de la República y frayar asina con un intentu de güelpe d’estáu. N’esta estaya, fina cola guerra colonial arxelina, crea la V República (refrendada en referéndum), sal de la OTAN faciendo de Francia una potencia nuclear y sofita un espoxigue de la economía del país ensin precedentes. Tamién foi’l promotor del averamientu pa con Alemaña cola fin d’amenorgar el poder anglo-americanu na Europa occidental, Con elli tamién finó la hestoria colonial francesa al reconocer la independencia de diches colonies.

     No que se refier al 80 Aniversariu del Llamamientu del 18 xunu, Francia ya sacare una moneda conmemorativa nel 2010. El 18 xunu de 1940 (d’equí la “coincidencia” cola tirada de monedes, 18.061.940) y dende Londres, De Gaulle encamienta a los franceses a resistir escontra la ocupación Nazi del so país.

     Nel intre la moneda aparecen dos cares de De Gaulle sobrepuestes. La del fondu representa al xeneral de la Resistencia y el cercanu al políticu, presidente de la República durante’l so segundu mandatu. Tres ellos apaez un montaxe ente l’abreviatura del país emisor, RF y una cruz de 2 brazos conocía col nome de Cruz de Lorraine y que foi’l símbolu identificativu de la Francia Llibre dirixida pol xeneral. Dientro d’ella aparecen los años de nacencia y muerte del homenaxeáu, 1890-1970 y l’añu d’acuñación 2020. Sol diseñu vense les marques de la ceca y del direutor de la mesma. Alredor, el nome de Charles de Gaulle.

     Nel aniellu esterior, les doce estrelles de la Xunión europea.

     Fontes: Wikipedia. Charles de Gaulle

                  Numismática visual (castellán)

                  Diariu oficial de la XE a traviés d’eurocoin