2017: Serie Rexones Letones: Kurzeme

Motivu conmemorativu: Rexones Históriques y Culturales de Letonia: Kurzeme

Tirada: 530.000              Fecha d’emisión: setiembre

     Curlandia, pa los llatinos, ye una rexón que s’asitia na mayor parte del oeste de Letonia a la oriella del Mar Bálticu. El so tarrén foi codiciáu por daneses, Caballeros Teutones, polacos, rusos (y soviéticos)… Pasó a formar parte definitiva de Letonia en 1919 tres ser condáu de Curlandia colos polacos, parte de la República de les dos Naciones (una xuntanza ente Polonia y Letonia-Livonia ente 1569 y 1795) y parte de Livonia (Letonia más Estonia, xuntanza que llegó dende la Edá Media fasta 1920).

     La representación heráldica d’esta rexón ye’l llión bermeyu propiu del conde de Kurzeme, emplegáu por elli dende 1569.

     Nel intre la moneda aparez l’escudu de la rexón histórica de Kuzeme.  No cimero alcuéntrase el nome del país emisor LATVIJA y, no fondero, el nome la rexón KURZEME. A mandrecha figura l’añu d’emisión 2017.

     Nel aniellu esterior les doce estrelles de la Xunión Europea.