Motivu conmemorativu: Prerrománicu Asturianu
Tirada: 4.000.000 Fecha
d’emisión: 1u de febreru
Ente los sieglos VIII y IX xurde n’Asturies un estilu
arquitectónicu singular, heriede del estilu visigóticu, pero cola so propia
identidá. Hai que recordar que la vieya Hispania taba ocupada por unos nuevos
conquistadores veníos del norte d’África pero controlaos dende Oriente Prósimu
y con una nueva relixón, nomada islámica, mentantu que los hispanos profesaben
la cristiana-católica. Nel añu 718 (pa dalgunos historiadores, pos pa otros foi
nel 722) un piñu cristianos, baxo’l caudillaxe del noble visigodu Pelayo,
algamaron una vitoria sobre los invasores y provocando’l nacimientu de lo que
lluéu se nomó Asturorum Regnum (Reinu
de los Ástures y non d’Asturies). Tres la consolidación y espansión del nuevu
reinu, la monarquía ástur entamó a reafirmar el so poder ya independencia a
traviés del arte, realizanádose guapos trabayos sobre too n’orfebrería y arquitectura
(curiosamente foron reis que nun acuñaron moneda propio). A esti estilu se-y
conoz col nome d’Arte Asturianu, o meyor, Prerrománicu
Asturianu.
No referente a l’arquitectura, ésta nun
foi homoxénea a pesar de ser un períodu bien curtiu, sinon que foi camudando a
la par que’l reinu diba exposigando. El momentu más álxidu quiciás fore’l
coincidente col reináu de Ramiru I, creando un estilu propiu conocíu anguañu
como Estilu Ramirense. D’esti estilu
ye nin más nin menos que’l primeru palacio y lluéu ilesia, de Santa María del
Narancu, n’Uviéu y que ye la representación escoyía pal diseñu d’esta moneda
conmemorativa.
Nel intre
la moneda aparez una imaxe de la ilesia de Santa María del Narancu, n’Uviéu.
Alredor, aparez el nome del país emisor ESPAÑA col añu d’acuñación 2017; a
manzorga, la marca de la ceca.
Nel aniellu
esterior les doce estrelles de la Xunión Europea.
No hay comentarios:
Publicar un comentario