Motivu conmemorativu: 400 Aniversariu de la construcción
de la Basílica de San Marcos de Venecia.
Tirada: 1.500.000 Fecha d’emisión: xineru
La Basílica de San Marcos ye’l principal
templu católicu de la ciudá de Venecia (Italia) y una prestosa obra maestra de
l’arquitectura bizantina nel Véneto. Tamién posee el rangu de Sée-catedral ya
Ilesia Patriarcal. La construcción
de la basílica orixinal foi entamada nel añu 828 y finada nel 832, p’abeyugar supuestes
reliquies de San Marcos l’Evangelista, robaes n’Alexandría, y lo que-y valió pa
erixise como sée episcopal independiente. Nel añu 975 foi quemada durante un
motín; obreros de Constantinopla entamaron la nueva basílica d’estilu bizantín
pel añu 1063 y foi consagrada 10 años depués. Ufrió más cambeos nos sieglos
XIII, XV y XVII (d’esti últimu vién l’aniversariu d’esta moneda) polo
qu’atopamos un amestáu d’estilos: románicu, bizantín y góticu.
Nel intre
la moneda aparez la fachada de la Basílica de San Marcos en Venecia. Nel
exergu los años 1617 (nel que se finó la última remodelación de la basílica) y
2017 (l’añu d’acuñación) allendando’l monograma del país emisor RI. Alredor del
diseñu aparez la lleenda VENEZIA SAN MARCO. Riba a mandrecha aparez la marca de
la ceca de Roma y abaxo, onde la última puerta, les iniciales del autor Luciano
De Simoni LDS.
Nel aniellu
esterior les doce estrelles de la Xunión Europea.
No hay comentarios:
Publicar un comentario