2016: Seutor Agrariu Letón

Motivu conmemorativu: Homenax al campu letón

Tirada: 1.000.000              Fecha d’emisión: 19 xunetu

     Xunto col gochu, la vaca ye l’animal de referencia pal campesín européu. Pa los letones, igual que pa nós, la vaca foi un de los pilancos qu’afitó bona parte de la economía del país, asina como parte esencial dientro la vida rutinaria del campu y el folclore. L’animal autóctonu del país conozse como vaca parda letona y ye del tipu llechera; bona producción, llarga vida útil y resistente al clima del país.

     Nel intre la moneda aparez una vaca parda letona pastiando. Soles pates traseres va grabáu l’añu d’emisión 2016 y, más abaxo, el nome del país emisor LATVIJA.

     Nel aniellu esterior les doce estrelles de la Xunión Europea.