2014: Revolución de los claveles

Motivu conmemorativu: 40^u Aniversariu de la Revolución del 25 d’abril o de los Claveles

Tirada: 520.000               Fecha d’emisión: 26 d’abril

     La Revolución de los Claveles (Revolução dos Cravos) ye’l nome dau al llevantamientu militar del 25 d’abril de 1974 que provocó l’esbarrumbe en Portugal de la dictadura de Salazar, asitiáu nel poder dende 1926 y fundador del nomáu Estado Novo allá pel añu 1933. El guelpe d’Estáu foi llideráu por Antonio de Spínola y sofitáu por una bayura d’oficiales de les Fuercies Armaes portugueses, los cualos entraron colos tanques en Lisboa. Bona parte de la población civil salió a la cai como sofitu a la revolución; les sos armes foron non más que claveles, que –yos daben a los soldaos pa pedi-yos una revuelte pacífica ya ensin tiros.

     Nel intre la moneda aparez una imaxe xenérica d’un clavel; dientro vese’l nome del país emisor PORTUGAL y l’escudu nacional. Nel centru aparez la fecha del acontecimiento 25 DE ABRIL y so ella el númberu d’años trescurrios dende la revolución, 40 ANOS y l’añu d’emisión 2014. El formatu de les lletres y númberos inspírase nos emplegaos nos cartelos y otros soportes d’información política de fai 40 años, como símbolu del períodu d’euforia que se vivió nel momentu. A mandrecha, la marca la ceca de Lisboa INCM y el nome del diseñador JOSÉ TEIXEIRA.

     Nel aniellu esterior les doce estrelles de la Xunión Europea.