Motivu conmemorativu: 250u Aniversariu de la
Torre dos Clérigos
Tirada: 525.000 Fecha d’emisión: 20 de xunu
La Torre dos Clérigos, asina como la Ilesia de los Clérigos a
la que pertenez, alcuéntrense nel cascu antiguu de la ciudá de Porto. Fecha en
granitu, el so altor pasa de los 75 metros, los cuales puen ascendese gracies a
la escalera interior de más de 240 peldaños.
Tanto la ilesia como la torre son obra de Nicolau
Nasoni, un de los másimos esponentes del arte barrocu na ciudá portuguesa. Entamose
a construyise en 1754 y finose en 1763 a instancies de la Hermandá de los
Clérigos Probes. El llugar onde s’alcuentra la torre de los Clérigos lleva el nomatu
de llomba de los aforcaos, por ser
equí onde s’enterraben a los axusticiaos.
Nel intre
la moneda aparez la llarga torre cola Ponte de Lluis I otru símbolu de la
ciudá de Porto encolingáu sobte’l riu Douro. So elli, l’escudu y el nome del
país emisor PORTUGAL. No cimero, la lleenda 250 ANOS TORRE DOS CLÉRIGOS y l’añu
d’emisión 2013. A manzorga, la marca la ceca de Lisboa INCM y el nome del
diseñador HUGO MACIEL.
Nel aniellu
esterior les doce estrelles de la Xunión Europea.
No hay comentarios:
Publicar un comentario