30/8/16

2014: Agricultura familiar


Motivu conmemorativu: Añu Internacional de l’agricultura familiar

Tirada: 520.000               Fecha d’emisión: 31 d’ochobre

     El 22 d’avientu del 2011 el Conceyu Xeneral de les Naciones Xunies, na Resolución 66/222 proclamó l’añu 2014 Añu Internacional de l’Agricultura Familiar (AIAF 2014), cola fin de facer visible el so llabor perimportante a la hora d’amenorgar la fame y la probeza, asina como’l so rol na nutrción, calidá de vida, seguridá alimenticia, xestión de los recursos naturales, proteición del Mediu Ambiente y el desendolcu sostenible nes zones rurales en particular.

     Nel intre la moneda aparez una imaxe con dellos preseos de llabor agraria asina como dellos productos (alredor d’un pitu, vense calabaces, pataques nun cestu, hortalices y flores. A manzorga, la lleenda AGRICULTURA FAMILIAR. A mandrecha, el nome del país emisor PORTUGAL y l’añu d’emisión 2014. Sol diseñu, la marca la ceca de Lisboa INCM y el nome del diseñador Helder Batista (H BATISTA)

     Nel aniellu esterior les doce estrelles de la Xunión Europea.

No hay comentarios:

Publicar un comentario