Motivu conmemorativu: Estáu de Hessen
Volume d’emisión: 30.000.000 pieces Fecha
d’emisión: 30 xineru
Na parte
interior reproduzse la Paulskirche (ilesia de San Pablu) en Fráncfort del
Meno (Fráncfurt). Sol diseñu aparez la lleenda HESSEN. La lletra identificativa del país emisor D ta riba a
mandrecha; un plizcu más abaxu tan les iniciales HH del diseñador Heinz Hoyer. L’añu emisión 2015 aparez a manzorga y so elli
la marca la ceca.
N’esti casu tamos delantre una ilesia
enllena simbolismu pa esti Estáu Federal. Foi construyía pel sieglu XVIII (en
1789 inaugurose como ilesia protestante); nos años 1848-49 foi sée del
Parlamentu de Fráncfort (el primeru en ser escoyíu democráticamente n’Alemaña).
Destruyía na II Guerra Mundial, foi reconstruyía namás finar ésta pa inaugurala
coincidiendo cola cellebración del centenariu del Parlamentu, y pasando a ser
símbolu de la nueva llibertá xermana. Al nun haber perres pa too, l’intre foi
modificáu de mou radical pal so caberu usu como centru d’esposiciones y
eventos.
Nel aniellu
esterior vemos les doce estrelles de la Xunión Europea.
No hay comentarios:
Publicar un comentario