Motivu conmemorativu: 50u Aniversariu del
Tratáu del Elíseu
Volume d’emisión:
11.000.000 pieces Fecha
d’emisión: 22 xineru
Moneda sacada en conxuntu ente Francia y
Alemaña pa conmemorar el Tratáu del Elíseu o de cooperación francu-alemana, de
1963; nel diseñu intervinieron Yves Sampo, de la Fábrica de la Moneda de París
xunto con Stefanie Lindner, de la Fábrica de la Moneda de Berlín y les
diseñadores Alina Hoyer y Sneschana Russewa-Hoyer de Berlín.
El 22 de xineru de 1963 el canciller
alemán Konrad Adenauer y el presidente de la república francesa Charles de
Gaulle, firmen un tratáu nel palaciu del Élysée cola fin de finar coles
engardieyes eternes ente los dos países. L’obxetivu ye algamar una serie
d’alcuerdos de cooperación en relaciones internacionales, defensa, educación y
política.
Nel intrela moneda aparecen los retratos estilizaos del canciller de la República
Federal d’Alemaña, Konrad Adenauer y el presidente de la República Francesa,
Charles de Gaulle, sobre les sos respeutives robles. La lleenda escrita en
francés y alemán: TRAITÉ DE L’ÉLYSÉE 50 ANS JAHRE 2013 ÉLYSÉE-VERTRAG. A
mandrecha, baxu la efixe Adenauer, aparez la marca de la ceca alemana. Baxu la
so robla la inicial del país emisor D. Baxu la efixe De Gaulle aparecen les
iniciales de la diseñadora alemana Stefanie Lindner (SL).
Nel aniellu
esterior, les doce estrelles de la Xunión Europea.
No hay comentarios:
Publicar un comentario