2015: Rexuntanza alemana

                   

 Motivu conmemorativu: 25^u Aniversariu de la Rexuntanza d’Alemaña

Volume d’emisión: 30.000.000 pieces           Fecha d’emisión: 30 xineru

     Dellos acontecimientos asocedieron ente 1989 y 1990. Mijaíl Gorbachov, últimu presidente de la XRSS (Xunión de Repúbliques Socialistes Soviétiques) entama una política aperturista que lleva la democracia a dellos países del antíguu Bloque del Este; na RDA (República Democrática Alemana) el gobiernu dimite en bloque tres l’esbarrumbe espontáneu de les fronteres pa cola otra alemaña, la RFA (República Federal Alemana) provocáu pol pasu de ciudadanos de dambos dos países d’un llau a otru de la llende. El 9 payares de 1989 cayía la muria Berlín. Estaos Xuníos, Reinu Xuníu, Francia y la Xunión Soviética, roblaron el nomáu Tratáu Dos más Cuatro, en favor de la xunión de les dos Alemañes. Convalidose tamién el Tratáu de Xuntanza, instrumentu llegal qu’autorizaba l’adhesión de la RDA por parte la RFA (nome oficial del nuevu país), fechu acaecíu’l 3 d’ochobre de 1990. Dende 1991, esti día ye celebráu n’Alemaña como’l Día de la Xuntanza.

     Nel intre la moneda reproduzse l’averamientu d’alemanes del este y del oeste delantre la Puerta Bandemburgu, xuntándose dafechu les dos Alemañes nun solu país. Vemos tamién un chisgu a la Xunión Europea na E semioculta pela xente a manzorga. Alredor del diseñu aparez la lleenda 25 JAHRE DEUTSCHE EINHEIT 2015 (25 años de la xuntanza alemana 2015) y la repetía tres vegaes WIR SIND EIN VOLK (Nós somos un pueblu). La lletra identificativa del país emisor D ta nel centru a manzorga. Na parte baxa ta la inicial de la ceca, a manzorga y les iniciales BW del diseñador Bernd Wendhut a mandrecha.  

     Nel aniellu esterior vemos les doce estrelles de la Xunión Europea.