Italia (República)

Enllaz: 2 euros conmemorativos italianos

Primer serie (2002- )

     N’Italia el diseñu de la cara nacional de les monedes foi sometíu al escrutiniu d’una comisión téunica y artística enantes de que se presentare a la nación na RAI UNO, la mayor cadena de televisión del país. La rica Italia escoyó un diseñu pa cada moneda, faciendu asina una mini colleición dedicada a l’arquitectura, les artes plástiques y personaxes relevantes. L’añu grabáu ye’l d’emisión, poro, la primer tirada ye del 2002. 

Irlanda (República)

Enllaz: 2 euros conmemorativos irlandeses

Primer serie (1999- )

     N’Eire el gobiernu escoyó una única cara nacional pa toles monedes. El diseñu, obra de Jarlath Hayes, representa l’Arpa Céltica, ún de los símbolos tradicionales d’Irlanda. L’artista basose na representación del Arpa de Brian Boru (Altu Rei d’Irlanda), asitiada nel Trinity College de Dublín. La mesma arpa ye símbolu oficial del Estáu irlandés, el Gran Sellu d’Irlanda. La identificación del país emisor ye’l so nome en gaélicu (llingua oficial d’irlanda): éire. L’añu grabáu ye’l d’acuñación, poro, les primeres monedes daten del1999. Alredor del diseñu, les 12 estrelles de la XE. Nun lleva marca de la ceca (Banc Ceannais na hÉireann, Bancu Central d’Irlanda), que  tá en Sandyford (Dublin), nin del direutor de la mesma, nin del diseñador.

Grecia (República)

Enllaz: 2 euros conmemorativos griegos

Primer serie (2002- )

    El ministru d’Economía y Facienda y el gobernador del Bancu de Grecia (Τράπεζατης Ελλάδος)  escoyeron los diseños, pa la cara nacional de les monedes n’euros correspondientes a esti país, d’ente varies propuestes presentáes por una comisión téunica y artística. 

     El diseñador de los motivos ganadores, ún pa cada denominación, foi l´escultor Georges Stamatopoulos (Γεώργιος Σταματόπουλος) na moneda vienen grabáes les sos iniciales (ΓΣ) , que recibió el patrociniu del Bancu de Grecia. Los diseños conformen una minicolleición inspirada en personaxes históricos, la vida mariñana y, como non, na mitoloxía clásica.

     Grecia entró nel club del euru dos años más tarde que los otros once, nel 2001, poro, tuvo que pidir sofitu a dellos países europeos pa poder acuñar la gran bayura monedes que necesitaba pa poneles en circulación el primeru de xineru del 2002. El sofitu víno-y de les Cases de la Moneda d’España, Francia y Finlandia, aparte de la suya, que tá asitiada en Halandri (Atenes).

Francia (República)

Enllaz: 2 euros conmemorativos franceses

Primer serie (1999- 2022) 

     Más de 1.200 diseños tuvo qu’esaminar una comisión d’espertos formada por numismáticos, artistes, diputaos, parlamentarios, representantes d’asociaciones profesionales, asina como personaxes destacaos como Christine Scrivener, ex-miembru de la Comisión Europea; Emmanuel Constans,  direutor de la Fábrica de la Moneda de París; Pierre Rodier, grabador xeneral, o l’actriz Irène Jacob, y como presidente de la mesma, el Ministru d’Economía y Facienda. 

Finlandia (República)

Enllaz: 2 euros conmemorativos finlandeses

     L’añu que va impresu nes monedes finlandeses ye l’añu acuñación, poro, les primeres monedes foron acuñaes nel 1999. La Ceca ye la de Helsinki-Vantaa (Rahapaja Oy Mint); la so marca nun s’entamó a grabar nes monedes hasta la primer igua de 2007; la M qu’apaez grabada (y que foi sustituyía pola de la ceca dende esi añu) ye la marca del direutor de la mesma, Raimo Makkonen.

España (Reinu)

Enllaz: 2 euros conmemorativos españoles

     L’añu que va impresu nes monedes españoles ye l’añu acuñación, poro, les primeres monedes foron acuñáes nel 1999. La Ceca ye la de Madrid (RCM-FNMT, Real Casa de laMoneda-Fábrica Nacional de Moneda y Timbre); la so marca ye una M coronada. L’esquema emplegáu foi’l típicu 2-3-3. La identificación del país ye’l nome del mesmu en llíngua castellana, ESPAÑA

Bélxiga (Reinu)

Enllaz: 2 euros conmemorativos belgues

     En 12 años, na menos que 4 series acuñó Bélxica, solo superada pol Vaticanu. Too ello por querer cumplir col Reglamentu de la XE y... facelo mal. Na segunda serie, aparte axustar el diseñu a la nueva norma, nun se –yos ocurre otra que retocar el bustu del rei pa remocicalu y asina nun cumplir cola norma de nun facer cambios na efixe’l rei hasta que nun pasaren 15 años dende la primer acuñación. Pa iguar esti fallu, sacaron una tercer serie. Paez mentira que seyan mediu xermánicos.