2025: Mikis Theodorakis

 

Semeya: collectorcoins

Motivu conmemorativu: Centenariu del nacimientu de Mikis Theodorakis

Volume d’emisión: 750.000         Fecha d’emisión: 18 setiembre

 

     Mikis Theodorakis, en griego Μίκης Θεοδωράκης (1925-2021) ye un compositor griegu que pue nun sonamos, ensin embargu, si falamos de la banda sonora de la película Zorba’l griegu, ya mos suena d’otra manera. Pal pueblu griegu, ye tou un símbolu, compositor musical que punxo en valor de nuevu el folclor tradicional, lluchaor antifascista escontra italianos y alemanes y opositor a la dictadura griega conocía como la de los xenerales. La so militancia d’izquierdes, d’afinidá comunista, fexo que toviere presu, fuere torturáu y sufriere esiliu, pero tamién qu’algamare puestos políticos como diputáu y llegare a Ministru. Morrió d’un infartu a los 96 años n’Atenes.

     Nel intre la moneda apaez l’homenaxeáu dirixendo una orquesta y xunto a un pentagrama cola clave de sol. Alredor, la lleenda  100 ΧΡΟΝΙΑ ΑΠΟ ΤΗ ΓΕΝΝΗΣΗ ΤΟΥ ΜΙΚΗ ΘΕΟΔΩΡΑΚΗ (100 años del nacimientu de Mikis Theodorakis) col nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena) y l’añu acuñación 2025. Tres elli, la marca la ceca y del diseñador Georgios Stamatopoulos.

     Nel aniellu esterior, les doce estrelles de la Xunión europea.

     Fontes: Wikipedia. MikisTheodorakis (castellán)

                  Numismática visual (castellán)