2025: Sée Catedral de Notre Dame

 

Semeya: collectorcoin

Motivu conmemorativu: Sée Catedral de Notre Dame de Paris

Volume d’emisión: 20.000.000         Fecha d’emisión: 28 d’ochobre

 

     Notre Dame de Paris ye ún de los monumentos parisinos más visitaos xunto cola Torre Eiffel. Entama la so construcción pel añu 1163 n’estilu Románicu Normandu, mas sedría’l Góticu tempranu el que –y dea el fastuosu aspeutu actual. Ensin embargu nun foi una ilesia detacada ente la población, más bien tuvo un percorríu modestu hasta que’n 1831 la fixere visible l’escritor Victor Hugo cola so novela Notre Dame de Paris (esa na que son protagonistes el gorrumbu Quasimodo y la xitana Esmeralda. Efeutivamente, non ye de Disney). Enfocada la Sée, en 1845 entamaríen los sos trabayos de rehabilitación, continuaos ya nel sieglu XX y que frayaríen toos tres un desastrosu incendiu en 2019. La so reconstrucción féxose en cinco años con donaciones privaes y populares, abriendo al públicu n’avientu del 2024.

     Nel intre la moneda apaez la fachada occidental de la Sée; tres les torres y la picolina detaca ún de los sos emblemáticos rosetones. A manzorga, l’abreviatura del país emisor RF llindiada pol l’añu acuñación 2025 y les marques de la ceca y el so grabador xeneral Joaquin Jiménez. A manrecha, la lleenda NOTRE DAME DE PARIS.

     Nel aniellu esterior, les doce estrelles de la Xunión europea.

     Fontes: Wikipedia: Catedral de Notre dame de París

                  Numismática visual