2025: Laskarina Bouboulina

 

Semeya: collectorcoin

Motivu conmemorativu: 200 cabudañu de Laskarina Bouboulina

Volume d’emisión: 750.000         Fecha d’emisión: 23 setiembre

 

     Laskarina Bubulina en griego: Λασκαρίνα Μπουμπουλίνα (1771-1825) heroína de la Guerra d’independencia de Grecia (1821-1830), considerada la primer muyer n’algamar el rangu d’almirante. Fía y esposa de mariñanes, muertos toos n’enfrentamientos escontra los otomanos, algamó una fortuna cola que fletó una serie barcos, incluyíu ún de guerra. Formó un pequeñu exércitu y xunto otres embarcaciones griegues tomó partíu en munches batalles y na liberación de delles places importantes. Durante la guerra civil de 1824, Laskarina toma partíu pol bandu perdedor, polo que ye mandada al esiliu ya ensin perres, fundíes toes na contienda independentista. Allá muerre asesinada n’estrañes circunstancies.

     Nel intre la moneda apaez la homenaxeada dando órdenes n’un de los sos barcos. Alredor, la lleenda  200 ΧΡΟΝΙΑ ΑΠΟ ΤΟ ΘΑΝΑΤΟ ΤΗΣ ΛΑΣΚΑΡΙΝΑΣ ΜΠΟΥΜΠΟΥΛΙΝΑΣ (200 cabudañu de Laskarina Bouboulina) col nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena). Xunto la so man, la marca la ceca y l’añu acuñación 2025. El diseñu ye obra de Leda Pavli; la so marca apaez tamién al llau la man.

 

     Nel aniellu esterior, les doce estrelles de la Xunión europea.

 

     Fontes: Wikipedia. Laskarina Bouboulina (castellán)

                   bbc news. LaskarinaBubulina, la intrépida comandante naval que fue clave en la independencia deGrecia del Imperio otomano

                  Numismática visual (castellán)