 |
|
Semeya: collectorcoins |
Motivu conmemorativu: Xubiléu 2025: pelegrinos d’esperanza
Volume d’emisión: 3.000.000 Fecha d’emisión: 5 febreru
El Xubiléu o Añu Xubilar o Añu Santu, ye una fiesta d’orixe hebréu ya integrada nes cellebraciones de cristianos católicos y ortodoxos. Faise ca 25 años y va marcada por una demostración de gayola, gozu y alabanza. Ye un añu de perdón ya indulxencies. El primer Añu Xubilar data del 1300, añu que’l papa Bonifaciu VIII declara Santu y de perdón de los pecaos. L’entamu del mesmu represéntase cola apertura de la Puerte Santa na Basílica de San Pedru del Vaticanu.
El logu representa cuatro figures estilizaes qu’indiquen la humanidá venida dende los cuatro puntos de la tierra. Abrazaes ente elles, indiquen la solidaridá y la fraternidá que xune a los pueblos. La primer figura tá agarrada a la cruz, como seña de nun escaecer la Fe nin nos momentos más difíciles. Les foles en movimiento faen alusión a que’l pelegrinax non pasa siempres per momentos tranquilos, pero la mesma cruz, finada a mou d’ancla, aférramos a la esperanza. Con color verdi esperanza, lléese’l llema l’eventu: Peregrinantes in Spem (pelegrinos de la Esperanza).
Nel intre la moneda apaez la Puerte Santa de San Pedru del Vaticanu arrodiá pola lleenda IUBILAEUM con 11 pexes, símbolu inicial de los cristianos. A manzorga, apaez l’añu emisor 2025 y la marca de la ceca R. A mandrecha, el monograma RI del país emisor y les iniciales de la diseñadora Claudia Momoni C.M.
Nel aniellu esterior, les doce estrelles de la Xunión europea.
El Vaticanu tamien llanzó una moneda conmemorativa de 2 euros pa cellebrar esti fechu.
Fontes: Wikipedia. Jubileo (castellán)
www.iubilaeum2025.va/es.html (castellán)
Numismática visual (castellán)
No hay comentarios:
Publicar un comentario