2022: Teresa de Calcuta

 

Semeya: Numismática Llamas

Motivu conmemorativu: 25 Cabudañu de la madre Teresa de Calcuta

Tirada: 81.250              Fecha d’emisión: 6 de setiembre

     De nome secular Anjezë Gonxhe Bojaxhiu, la nomada Madre (o Santa, o Santa Madre) Teresa de Calcuta nació’l 26 d’agostu de 1910 na población d’Uskub, Imperiu Otomanu (anguañu, Skopie, en Macedonia del Norte). De familia albanesa, foi educada por so má, nel senu de la relixón católica, tres la muerte de so pá. Tres conocer les hestories de los misioneros xesuites yugoslavos en Bengala, decidió dedicase a tal llabor y con 18 años cumplíos, coló pal Institutu de la Bienaventurada Virxe María en Irlanda, cola fin d’estudiar inglés, ingresar na Orde y colar pa la India. Ellí arribó’l 6 de xineru de 1929 y ellí féxo’l so noviciáu como mayestra nel Himalaya. Al ordenase monxa, escoyó el nome de Teresa, en castellán, y foi destinada a un colexu de Calcuta. Recibió formación básica de melicina en París, nacionalizose india en 1950, formose n’enfermería y coló del so conventu pa formar la so propia congregación, camudando hasta l’hábitu por un sari (blancu con bandes azules, identidá ya perenne de só y la so congrgación). En 1950 ye autorizapa pol papa pa creyar la congregación de les Misioneres de la Caridá, cola fin d’ayudar a los más necesitaos d’ente los probes y a los escluyíos pola sociedá. Abrió centros pa moribundos, dando igual la so relixón, pa güérfanos, lleprosos… L’espardimientu per to’l mundu de la congregación, fexo qu’apareciere tamién la so versión masculina, reforzada con xente seglar, católica o non. Teresa apaecía en tolos enguedeyos d’altu riesgo, guerres, catástrofes naturales, metiéndose inclusu emtemediu la griesca d’israelites y palestinos o la mesma URSS (Chernovil). En 1983 ufre un paru cardíacu; a partir d’equí, más problemas cardíacos, pulmonares, enfermedaes como la malaria, franzura güesos… hasta morrer en 1997 con 87 años. El gobiernu índiu organizó un funeral d’Estáu, percorriendo’l féretru les casi de Calcuta nel mesmu carruaxe que llevare los restos de Ghandi o Nehru. A lo llargo la so vida, recibiere tou tipu d’honores y premios (incluyíu el Nobel de la Paz) per to’l mundiu. Nel 2003 foi beatificada y nel 2015 canonizada. Dende’l 2017 ye co-patrona (xunto a San Franciscu Xabel) de l’Archidiócesis de Calcuta. Dellos grupos hindúes tamién la veneren como diosa.

     Nel intre la moneda apaez la madre Teresa con un neñu indiu en cuellu. Alredor, el so nome, MADRE TERESA DI CALCUTTA y el nome del país emisor CITTA’ DEL VATICANO. Riba, a mandrecha, la marca de la ceca de roma R y más abaxu, los años de la feméride y el d’acuñación 1997 2020. So la figura, l’abreviatura de l’artista Orietta Rossi (O. ROSSI) y la grabadora Silvia Petrasi (SP, estilizao, INC.)

     Nel aniellu esterior les doce estrelles de la Xunión europea.

 

Fontes: Wikipedia. Teresa de Calcuta

             Numismática digital (castellán)