2022: Jože Plečnik, arquiteutu

 

Semeya: coindatabase

Motivu conmemorativu: 150 Aniversariu del nacimientu del arquiteutu Jože Plečnik

Volume d’emisión: 1.000.000         Fecha d’emisión: 2 de marzu

     Jože Plečnik (1872-1957) ye’l causante de la fondera reforma urbanística de Ljubljana, capital d’Eslovenia, dafechu, a la ciudá se –y conoz como “la Ljubljana de Plečnik”. Tres acabar los sos estudios escolares, ingresó na Escuela d’Artes y Oficios de Graz (Austria) pa estudiar diseñu del mueble. En 1895 ingresa na Academia de Viena, siendo alumnu del gran arquitéutu Otto Vagner y graduándose, en 1898, como el meyor de la promoción. Gracies a una beca, estudia a los clásicos y el períodu renacentista en París y Roma. Los sos primeros trabayos failos en Viena, convirtiéndose en ún de los pioneros de l’arquiteutura moderna n’Europa. Llegó a ser profesor d’artes y oficios en Praga y Ljubljana, y nes dos ciudaes dexó la so impronta, detacando la renovación del castiellu de Praga y la fondera reforma del cascu históricu de la so ciudá natal. En 1949 recibió’l premiu Prešeren.

     Nel intre la moneda apaez un detalle de la gran ventana de la sala de llectura de la Biblioteca Nacional y Universitaria de Ljubljana. El ventanal ta separáu por una gran columna y, dientro les vidrieres, pue acolumbrase la lleenda A R H. P L E Č N I K. A manzorga, l’añu de la so nacencia, 1872. A mandrecha, riba, el nome del país emisor y l’añu emisión ESLOVENIJA 2022. Na parte baxa, el nome del homenaxeáu JOŽE PLEČNIK. El diseñu de la moneda ye obra d’ Andrej Žerovnik.

     Nel aniellu esterior, les doce estrelles de la Xunión europea.

 

Fontes: Wikipedia: Jože Plečnik (castellán)

              Numismática visual (castellán)