2021: Serie Xuegos Olímpicos (1/4)

 

Semeya: collectorcoins

 

Motivu conmemorativu: Cellebración de los Xuegos Olímpicos en París nel añu 2024

Volume d’emisión: 510.000         Fecha d’emisión: Setiembre

 

       Nel añu 2024 París acoyerá la XXXIII Olimpiada de branu de la era moderna. Ye la tercer vez que la faen tres les de los años 1900 y 1924. ¿Casualidá que se cumplan 100 años cola segunda vez? Pue ser; dafechu, la otra candidata, Los Ánxeles (EE XX), cedió a cambiu de facelos nel 2028. Por primer vez na historia los xuegos, el logu va ser el mesmu pa los olímpicos y los paralímpicos.

     Pa cellebrar esti fechu, la Monnaie de Paris va facer una mini colleición de 4 monedes, a acuñar una per añu.

     Nel intre la moneda apaez una atlética y sensual Marianne corriendo delantre la Tour Eiffel y un campu d’atletismu. A manzorga vese’l logu de la feméride, la llama y los aros olímicos llindiando la lleenda PARIS 2024. Baxo, l’abreviatura del país emisor RF coles marques de la ceca y el so Grabador Xeneral Joaquín Jiménez llindiando l’añu acuñación 2021.

     Nel aniellu esterior, les doce estrelles de la Xunión europea.

 

     Fontes: Wikipedia: XX.OO. París 2024 (castellán)

                  Numismática visual (castellán)