2021: Primer muséu d’Eslovenia

 

Semeya: coindatabase

Motivu conmemorativu: Bicentenariu del primer muséu d’Eslovenia 

Volume d’emisión: 1.000.000         Fecha d’emisión: 25 d’ochobre

 

     El primer muséu abiertu en territoriu eslovenu, foi’l muséu de la rexón de Carniola (ésta histórica rexón arrodia por completu la ciudá y capital eslovena de Ljubljana). En 1821 fundose col nome de Muséu de Bienes de Carniola, pa pasar, cinco años más tarde, a nomase Muséu Provincial de Carniola, patrocináu espresamente pol emperador austríacu Franciscu I. En 1882, añadió’l nomatu de Rudolfinum, n’honor del príncipe herederu Rodolfu. En 1992, tres la independencia d’Eslovenia, renómase como Muséu Nacional d’Eslovenia. Ente los dixebros departamentos del muséu, detaquen l’arqueolóxicu, el numismáticu, el de grabaos y debuxos, asina como’l d’historia y artes aplicaes. Nel mesmu edificiu, atopamos tamién el Muséu d’Historia Natural.

     Nel intre la moneda apaecen,  a mou de círculos concéntricos, los dixebros nomes que tuvo’l muséu a lo llargo la so hestoria: KRANJSKI STANOVSKI MUZEJ KRAINISCH STÄNDISCHES MUSEUM (n’eslovenu y alemán: Muséu urbanu de Carniola). 1821 DEŽELNI MUZEJ ZA KRANJSKO (n’eslovenu, Muséu rexonal de Carniola). KRAINISCHES LANDESMUSEUM RUDOLFINUM (n’alemán, Muséu Estatal de Carniola Rudolfinum). El círculu más interín ye’l del nome del país emisor y l’añu d’emisión SLOVENIJA 2021. El diseñu ye obra de Lana Semečnik.

     Nel aniellu esterior, les doce estrelles de la Xunión europea.

 

Fontes: Wikipedia: Ducáu de Carniola

              Numismática visual (castellán)