 |
| Semeya: colectorcoins |
Motivu conmemorativu: Ciudá Histórica de Toledo
Tirada: 4.000.000 Fecha d’emisión: 10 de marzu
Qué decir de Toledo que nun se sepia. D’orixe romanu, pasó a ser perconocía por ser capital del estáu visigodu y ciudá clave durante’l dominiu musulmán d’Hispania (Al-Ándalus) pal control de los reinos cristianos norteños durante la nomada Reconquista. Tamién ye perconocía pol so nomatu de La Ciudá de les Tres Cultures, por ser un puntu de referencia pa xudíos, cristianos y musulmanes, los cualos dexaron la so impronta nes edificaciones de la ciudá. Dafechu, nel diseñu la moneda apaecen dos detalles d’edificaciones d’estilu mudéxar, pero d’orixe dixebru, una xudía y otra n’estilu nazarí, pero dambes dos feches baxu contro cristianu de la ciudá.
La primera ye un detalle de los arcos ornamentaos del heḥal (santuariu pa los xudíos sefardís) de la Sinagoga nomada de Samuel ha-Leví, mecenes xudíu que pagó la so fechura en tiempos de pedru I de Castiella (sieglu XIV), magar que ye más conocía pol nome de Sinagoga del Tránsitu dende’l sieglu XVII, fecha na que yera ilesia de la Orde de San Benitu y onde detacaba un cuadru de la Nuesa Señora del Tránsitu nel Altar Mayor. Anguañu ye sée del Muséu Sefardí.
La segunda ye la conocía como Puerta del Sol, la so construcción data del caberu cuartu del sieglu XIV. D’estilu mudéxar ya influyencia nazarí, asitiase na propia muria de la ciudá a mou de barbacana. El so nome vién d’un de los relieves grabaos na cara d’estramuria (un sol, caro).
Nel intre la moneda apaez la Puerta del Sol y un detalle del heḥal de la Sinagoga del Tránsitu. Baxo, a manzorga, el nome del país emisor ESPAÑA y l’añu d’acuñación 2021. Riba, a mandrecha, la marca de la ceca.
Nel aniellu esterior les doce estrelles de la Xunión Europea.
Fontes: Wikipedia: Puerta del Sol (castellán)
Sinagoga del Tránsito (castellán)
Hejal (castellán)
Blog Numismática Visual (castellán)
No hay comentarios:
Publicar un comentario