2018: Serie Rexones Letones: Zemgale

Motivu conmemorativu: Rexones Históriques y Culturales de Letonia: Zemgale

Tirada: 530.000              Fecha d’emisión: Ochobre

 

     Les rexones históriques de Letonia son territorios carauterizaos por un entornu cultural ya históricu únicu y que conforma la identidá común de los sos habitantes. La dixebra de Letonia en rexones ye enforma abegoso, ya que no que se refier a temes culturales, xeográficos y de llendes, suelen solapase de manera enguedeyada. Tres la independencia de 1991 y l’aprobación de la Constitución de 1993, el país quedó dixebráu en cuatro rexones históriques, Vidzeme, Latgale, Kurzeme y Zemgale. A partir de 2006, Riga, capital del país, conformó una quinta rexón con tierres de Vidzeme, Kurzeme y Zemgale.

 

     Semigalia, pa los llatinos, asitiase na parte centru-meridional de Letonia. El so nome tórnase como "Tierres Baxes". Ye una rexón eminentemente agrícola, lo que la fai ser la zona menos arbolada del país. Fai frontera sur con Lituania, polo que’l tarrén ta petáu de castiellos y fortificaciones. Caltién una llingua propia nomada semigalio.

     L' escudu de Zemgale ye un alce, n'alcordanza de los vieyos tiempor del Ducáu de Curlandia y Semigalia (1562-1569). En 1565 formó parte del escudu personal de Gotthard kettler, maestre de la Orden de Livonia y Primer duque de Curlandia. 

 

 

 

 

     Nel intre la moneda apaez l’escudu de la rexón histórica de Zemgale.  No cimero alcuéntrase el nome del país emisor LATVIJA y, no fondero, el nome la rexón ZEMGALE. A mandrecha figura l’añu d’emisión 2018.

     Nel aniellu esterior les doce estrelles de la Xunión europea.

     Fontes: Wikipedia. Semigalia (castellán)