Motivu conmemorativu: 70 Aniversariu de la xuntanza del
Dodecanesu a Grecia
Volume d’emisión:
750.000 Fecha
d’emisión: Mayu
El Dodecanesu (Δωδεκάνησα, doce islles)
ye un archipiélagu griegu nel mar Exéu, asitiáu frente a la costa suroccidental
d’Asia Menor. La so islla, y ciudá principal, ye la de Rodas. Debío a la so
perbona posición estratéxica, foi tarrén de lluches y ocupaciones constantes a
lo llongo la so hestoria. Colonia griega d’antanu, tamién foi la sée principal
de los Caballeros de la Orde de Malta durante la Edá Media, hasta que la
conquistaren los otomanos nel sieglu XVI. Ya nel sieglu XX pasó por delles
manes: italianes, alemanes ya ingleses, pa finar en Grecia de nuevu allá pel
1947. El 7 de marzu de 1948 les islles pasen dafechu a pertenecer a Grecia cola
condición de Prefectura del Dodecanesu.
 |
| Didracma |
La
rosa yera ún de los símbolos identificativos de Rodas; ye por ello qu’aparez
tanto nes sos monedes como en cualisquier de los sos productos manufacturaos, a
semeyanza d’un logu o sellu de calidá.
Nel intre la moneda aparez la
rosa de Rodas. Del centru a la periferia, y de mou radial, aparecen unes foles.
Alredor del diseñu los años de la conmemoración 1948-2018 (esti últimu, añu
tamién d’emisión) y la lleenda H ENΩΣH
TΩN ΔΩΔEKANHΣΩN ME THN EΛΛAΔA (la xuntanza del Dodecanesu con Grecia). No baxo,
el nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena) allendáu pola
marca de la ceca a manzorga y la marca del diseñador Yorgos Stamatópoulos a
mandrecha.
Nel aniellu
esterior, les doce estrelles de la Xunión europea.
Fontes:
Wikipedia: Dodecanesu
No hay comentarios:
Publicar un comentario