 |
| Semeya: Eurocoinland |
Motivu conmemorativu: 70 Aniversariu de la Constitución
italiana
Volume d’emisión:
4.000.000 Fecha
d’emisión: Xineru
La Costituzione
della Repubblica Italiana ye la lley suprema del país; aprobada el 22
d’avientu de 1947, espublizada el 27 y con vigor dende’l 1u xineru
de 1948. Ta dixebrada en cuatro partes con 139 artículos y 18 disposiciones.
Enantes de la proclamación d’esta
Constitución nun esistía ninguna otra. Tres la Xuntanza italiana la llei
fundamental del país yera l’Estatutu albertín (1848), carta otorgada pol
monarca al pueblu italianu qu’establecía una monarquía constitucional primero
con sufraxu censitariu perllimitáu hasta llegar al sufraxu masculín en 1919. Durante
la dictadura de Mussolini caltúbose l’estatutu, pero como que nun yera
respetáu. Tres la Segunda Guerra Mundial torna’l poder al rei Vítor Manuel III
y l’estatutu garra de nuevu fuercia. Pero la xente refuga del rei pol so sofitu
al Duce, polo qu’abdica nel so fíu
Humbertu II. El desprestixu de la Corona, fai qu’a la fin el pueblu seya llamáu
a les urnes pa decidir en dos votaciones: una, l’Asamblea Constituyente que
tendrá que redactar la primer Constitución del país y, otra, un referendum pa
decidir si Monarquía o República. Ganó la República y l’Asamblea redactó una
Constitución republicana.
Nel intre la moneda aparez Enrico De Nicola, Xefe Provisional del Estáu roblando
l’actu de promulgación de la Constitución; a la so mandrecha, el Xefe
del Gobiernu Alcide De Gasperi y a manzorga
Umberto Terracini, Presidente de l’Asamblea Constituyente. No cimero aparez la
inscripción COSTITUZIONE y el monograma del país emisor RI. Sola mesa aparez la
lleenda CON SICURA COSCIENZA (cola conciencia segura), la
marca de la ceca R y los años 1948-2018 (esti últimu val d’añu d’acuñación).
Nel aniellu
esterior, les doce estrelles de la Xunión europea.
Fonte: Wikipedia. Constitución italiana
No hay comentarios:
Publicar un comentario