Olot ye un conceyu asitiáu na comarca La
Garrocha, na provincia de Girona. Ye conocíu polos amantes de la natura y la
xeoloxía, ya que nel so términu asoleyense dellos volcanes extinguíos dientro
del Parque Natural de La Garrocha. Tamién destaca la so “industria” d’arte
sacru y la so peculiar cocina “volcánica”.
L’ayuntamientu d’Olot acuñó dos tipos de
moneda con valores de 10 y 15 céntimos. El material emplegáu foi fierro. De la
de 15 céntimos emitiéronse bien poques, unes cien, debío a que’l cuñu se frayó
y ante lo caro de la so igua, l’alcalde decidió apartalu y seguir cola
acuñación de les de 10, de les que salieron unes 25.000 unidaes.
10 céntimos
15 céntimos
Y equí nos atopamos cola picaresca en
doble sentíu. La primera: sábese que les monedes de 15 céntimos nunca
circularon, tobieron guardaes en dalgún requexu de la Casa Conceyu hasta que
desaparecieron allá pelos años 70-80; dalguien que conocía la so esistencia y
del so valor nos mercaos numismáticos, atropó les pieces d’un mou non llegal y
les va sacando de xemes en cuandu en subastes especializaes; eso sí, cada
moneda va acompañada d’una especie de certificáu d’autenticidá. Y la segunda,
como non, ye qu’esisten una bayura falsificaciones pel mercáu… Asina que
cuidadín.
Fontes: Monedas durante la II República y La Guerra Civil Española (1931-1939). Javier Ovelleiro
Fontes: Monedas durante la II República y La Guerra Civil Española (1931-1939). Javier Ovelleiro
Imperio Numismático. (Foru numismáticu)
No hay comentarios:
Publicar un comentario