2015: Dante Alighieri

Motivu conmemorativu: 750^u Aniversariu del nacimientu de Dante Alighieri

Tirada: 100.000                Fecha d’emisión: 8 d’abril

     Dante Alighieri (1265-1321) poeta italianu. La so obra mayestra, la Divina comedia, ye una de les obres fundamentales de la transición del pensamientu medieval al renacentista. Tá considerada la obra mayestra de la lliteratura italiana y una de les de la lliteratura universal. En italia yera conocíu pol nomatu il Sommo Poeta (el Poeta Supremu). Dante tá consideráu tamién como’l pá del idioma italianu, nomáu volgare n’aquella época). La so primer biografía foi escrita por Giovanni Boccaccio (1313–1375), nel Trattatello in laude di Dante.

     Nel intre la moneda reproduzse a Dante mirando a manzorga, tomáu d’un frescu de Botticeli. Tres la cara aparez el nome del homenaxeáu DANTE (dientro d’un cartuchu rectangular) y el del país emisor SAN MARINO; la lletra emplegada ye una semeya de la tipografía orixinal de la primer edición de la so obra La Divina Comedia. Ente ellos, aparez la marca de la ceca de Roma R, los años 1265 y 2015 (esti últimu como l’añu d’acuñación) y les iniciales de la diseñadora Annalisa Masini, AM.

     Nel aniellu esterior, les doce estrelles de la Xunión europea.

     Italia tamién sacó una moneda conmemorativa de 2 euros dedicada a Dante esti mesmu añu.