Motivu conmemorativu: 10u Aniversariu de los
billetes y monedes d’euru
Tirada en Xipre: 1.000.000 Fecha
d’emisión: 20 febreru
Tirada total na XE: 84.085.000.000
El diseñu foi escoyíu polos ciudadanos de
la Xunión Europea mediante votación per internet ente cinco diseños y ye
creación de Helmut Andexlinger, de la Fábrica de Moneda d’Austria. La
moneda emitiéronla tolos países de la zona euro más Sanmarín.
Nel intre aparez el globu terráqueu col símbolu l’euru nel centru, dándo-y
un protagonismu mundial algamáu n’estos diez años y la importancia d’elli pa la
ciudadanía (representada por una familia de cuatro miembros), el mundiu les
finances (la Eurotorre de Francfort de Meno), el comerciu (un barcu), la industria
(una fábrica) y la enerxía, la investigación y el desarrollu (dos molinos
eólicos). Les iniciales del artista hai que buscales ente el barcu y la
eurotorre (AH). Alredor del diseñu, el nome del país emisor en griegu y turcu y
los años de la conmemoración (el 2012 tamién ye’l d’emisión) KYΠPOΣ – KIBRIS 2002-2012.
Nel aniellu
esterior, les doce estrelles de la Xunión Europea
Otros
países emisores: Alemaña, Austria, Bélxica, Eslovaquia, Eslovenia, España, Estonia,
Finlandia, Francia, Grecia, Irlanda/Eire, Italia, Luxemburgu, Malta, Países
Baxos, Portugal y Sanmarín.
No hay comentarios:
Publicar un comentario