2015: Cruz Vermelha portuguesa

Motivu conmemorativu: 150 años de la Cruz Bermeya en Portugal

Tirada: 520.000               Fecha d’emisión: 15 d’abril

     La Cruz Vermelha portuguesa entamó la so actividá en 1865 col nome de Comisión Interina pa los Socorros, Feríos y Enfermos en tiempu de guerra, cumpliendo col tiempu una importante misión d’asistencia humanitaria y social, en defensa de la vida, la salú y la dignidá humana.

     Nel intre la moneda aparez una imaxe representa una composición visual basada nel símbolu de la organización, replicada delles vegaes como representación de la espansión de l’aición humanitaria, tanto en Portugal como nel estranxeru. La man simboliza los dellos tipos d’ayuda que la organización presta a les persones, de calter médicu mayormente, pero tamién d’otros tipos como la cooperación, la construcción y el sofitu. A manzorga tenemos la leenda CRUZ VERMELHA PORTUGUESA. No cimero, l’escudu d’armas y el nome del país emisor PORTUGAL. Sol diseñu, los años 1865 (entamu del fechu) y 2015 como añu de la conmemoración asina como d’acuñación. Al so llau tá la marca de la ceca de Lisboa INCM y les iniciales del diseñador António Marinho (A. M)

     Nel aniellu esterior les doce estrelles de la Xunión europea.