2011: Fernão Mendes Pinto

Motivu conmemorativu: 500^u Aniversariu del nacimientu de Fernão Mendes Pinto

Tirada: 540.000               Fecha d’emisión: 8 setiembre

      Fernão Mendes Pinto (1511-1583) explorador y escritor. Les sos fazañes son conocies pola impresión d’un llibru autobiográficu póstumu tituláu Peregrinação, cuya veracidá ye imposible de verificar. Nel trescursu de los sos viaxes pel Mediu y Llonxanu Oriente, Pinto visitó Etiopía, la Mar d’Arabia, China (na que, según elli, foi un trabayador forciáu na construcción de la Gran Muria), India y Xapón, país que dixo visitar al autoincluyise dientro del primer grupu d’europeos qu’ellí arribó y entamar el periodu de comerciu Nanban. Tamién afirmó qu’introdució l’arma de fueu ellí en 1543. Sábese que sofitó la primer ilesia cristiana en Xapón. Nel so llibru muéstrase mui críticu col colonialismu portugués nel Llonxanu Oriente.

     Nel intre la moneda aparez una nao navegando enriba una mar de nomes de llugares aparecios nel llibru Peregrinação. Alredor, el nome del homenaxeáu FERNÃO MENDES PINTO allendáu pols años 1511 y 2011 (esti ye l’añu emisión). Sol diseñu, el nome del país emisor PORTUGAL. A manzorga, la marca la ceca de Lisboa INCM y a mandrecha, les iniciales de los diseñadores Isabel Carriço y Fernando Branco (IC-FB).

     Nel aniellu esterior les doce estrelles de la Xunión Europea.