conmemorativu: 125u Aniversariu de la
Dinastía Nassau-Weilburg
Tirada: 1.400.000 Fecha
d’emisión: 5 d’ochobre
El 17 xunetu de 1806 los condaos de
Nassau-Usingen y Nassau-Weilburg axuntáronse a la Confederación del Rin. Baxo
presión de Napoleón, los dos condaos fusionáronse pa convertirse nel ducáu de
Nassau el 30 d’agostu de 1806 baxo’l gobiernu conxuntu del príncipe Federicu
Augustu de Nassau-Usingen y el so primu menor Federicu Guillermu de
Nassau-Weilburg. Como Federicu Augustu nun tenía herederos, aceutó que Federicu
Guillermu fora l’únicu gobernante depués de la so muerte. Ensin embargu,
Federicu Guillermu morrió d’una cayía peles escaleres nel castiellu de Weilburg
el 9 xineru de 1816 y foi’l so fíu Guillermu quien se convirtió en duque d’un
Nassau xuníu.
Los soberanos d’esta casa gobernaron el
ducáu de Nassau hasta 1866, y dende 1890, Luxemburgu. La casa de Nassau-Weiburg
estinguiose, pola llínia masculina, cola muerte de la gran duquesa Charlotte en
1985. Enin embargu, el nome permanez como nome oficial de la familia real. los
miembros de esta casa reinante son cognaos miembros de la Casa de
Nassau-Weilburg y agnaos miembros de la Casa de Borbón-Parma.
Nel intre
la moneda aparecen a manzorga, la efixe de So Alteza Real el gran duque
Henri y, a mandrecha, a mou semicircular y n’orde cronolóxicu del so accesu al
tronu, les efixes de les Sos Alteces Reales los grandes duques Adolphe y
Guillaume IV, les grandes duqueses María Adelaida y Charlotte y el gran duque
Jean. Entemediu los grupos aparez el nome del país emisor LUXEMBOURG y l’añu
d’emisión 2015
coles marques
de la ceca d’Utrech (Países Baxos) y el so direutor. Siguiendo a mandrecha, a
mou de semicírculu, aparez la lleenda 1890–DYNASTIE NASSAU-WEILBOURG.
Nel aniellu
esterior les doce estrelles de la Xunión Europea.
No hay comentarios:
Publicar un comentario