2009: Emisión común na XE. 10 Años XME

Motivu conmemorativu: 10^u Aniversariu de la Xunión Económica y Monetaria.

Tirada en Malta: 400.000                Fecha d’emisión: 1^u xineru

Tirada total na XE: 84.085.000.000

     El diseñu foi escoyíu polos ciudadanos de la Xunión Europea mediante votación per Internet y ye creación de George Stamatopoulos (Γεώργιος Σταματόπουλος), diseñador del departamentu d’acuñación del Bancu de Grecia. Los internautes tuvieron que votar ente cinco diseños escoyíos por tolos direutores de ceca de la eurozona.

     Nel intre aparez una figura humana d’aspeutu primituvu cuyu brazu izquierdu ta prolongáu pol símbolu del euru. Alredor del diseñu, la lleenda col nome del país emisor MALTA UEM (l-Unjoni Ekonomika u Monetarja) y los años de la conmemoración 1999-2009 (2009 tamién ye’l añu emisión). Les iniciales del diseñador, ΓΣ, tan sol símbolu del euru.

     Nel aniellu esterior, les doce estrelles de la Xunión Europea. Les marques de la ceca d’Utrech (Países Baxos) y el so direutor allenden la estrella de les seis en puntu.

     Nel cantu, aparez el diseñu típicu del 2 y la estrella repetíos delles vegaes en vez del de les cruces de Malta.