2012: Serie Familia Gran Ducal

Motivu conmemorativu: 100^u cabudañu del gran duque Guillaume IV

Tirada: 700.000                Fecha d’emisión: 9 febreru

     El gran duque Guillaume IV (1852-1912) yera’l primoxénitu del gran duque Adolphe (moneda del 2005). Casose en 1893 cola infanta María Ana de Portugal, fia del rei Miguel I, fechu que fexo qu’a partir d’entós tolos grandes duques luxemburgueses se convirtieren al catolicismu (los Nassau yeren protestantes). Xubió al tronu en 1905 tres la muerte so padre. Tuvo 6 fies; la so heredera foi la impopular Adelaida qu’abdicó en beneficiu de la so hermana Charlotte (moneda del 2009) segunda na sucesión al tronu.

     Nel intre aparez la efixe del gran duque Henri I superpuesta a la efixe del gran duque Guillaume IV, el so bisgüelu; de fondu, la ciudá de Luxemburgu. Enriba d’ellos l’añu d’emisión 2012, cola marca la ceca d’Utrech (Paises Baxos) y del direutor de la mesma; sigue la lleenda GRANS-DUCS DE LUXEMBOURG. Los nomes de les Sos Alteces Reales figuren sola efixe de ca ún (y l’añu defunción de Guillaume +1912).

     Nel aniellu esterior les doce estrelles de la Xunión Europea.