2009: Emisión común na XE

Motivu conmemorativu: 10^u Aniversariu de la Xunión Económica y Monetaria.

Tirada en Luxemburgu: 1.400.000        Fecha d’emisión: 1^u xineru

Tirada total na XE: 84.085.000.000

     El diseñu foi escoyíu polos ciudadanos de la Xunión Europea mediante votación per Internet y ye creación de George Stamatopoulos (Γεώργιος Σταματόπουλος), diseñador del departamentu d’acuñación del Bancu de Grecia. Los internautes tuvieron que votar ente cinco diseños escoyíos por tolos direutores de ceca de la eurozona.

     Nel intre aparez una figura humana d’aspeutu primituvu cuyu brazu izquierdu ta prolongáu pol símbolu del euru. Alredor del diseñu, la lleenda col nome del país emisor LËTZEBUERG UEM (l'Union économique et monétaire) y los años de la conmemoración 1999-2009 (2009 tamién ye’l añu emisión). Les iniciales del diseñador, ΓΣ, tan sol símbolu del euru. Les lleis luxemburgueses obliguen a introducir la efixe’l gran duque nes sos monedes, poro, la moneda d’esti país lleva una imaxe llatente de Henri I.  El métodu emplegáu (multi-view-minting) yera inclusu más sofisticáu que’l que s’emplegó en 2007 (los retratos del gran duque podíen vese dende la izquierda o la derecha, en función de cómo s’inclinare la moneda).

     Nel aniellu esterior, les doce estrelles de la Xunión Europea. La de les seis en puntu tá allendada poles marques de la ceca d’Utrech (Países Baxos) y el so direutor).

     Otros países emisores: Alemaña, Austria, Bélxica, Eslovaquia, Eslovenia, España, Finlandia, Francia, Grecia, Irlanda/Eire, Italia, Malta, Países Baxos, Portugal y Xipre.