2025: Muséu del Louvre

 

Semeya: collectorcoin

Motivu conmemorativu: Musée du Louvre 

Volume d’emisión: 315.000         Fecha d’emisión: Xineru

 

     El Musée du Louvre ye ún de los más famosos ya importantes museos del mundu. Nos sos 210.000 m² abellúguense unes 35.000 obres d’arte pictóriques y escultóriques, amás d’unos 380.000 obxetos y antiguedaes, centrándose nes Belles Artes, l’Arqueoloxía y les Artes Decoratives anteriores al Impresionismu (segunda metá del sieglu XIX). Abiertu al públicu en 1793, foi una apueste de la recién instaurada República Francesa p’averar la cultura a tol mundo a traviés de les xoyes pictóriques requisaes a la ya desaniciada nobleza. Cola llegada de Napoleón, tamién llegaríen les reliquies arqueolóxiques, sobremanera, dende la so campaña pel Exiptu.

     Nel intre la moneda apaez la fachada del muséu sobre un planu de les sos galeríes y la famosa pirámide qu’anguañu ye la receición de visitantes y taquilla. Riba a manzorga, l’abreviatura del país emisor RF y un pocu más abaxo, l’añu acuñación 2025. A mandrecha d’ésti, apaecen les marques de la ceca y el so grabador xeneral Joaquin Jiménez. Fina per baxo cola lleenda MUSÉE DU LOUVRE.

     Nel aniellu esterior, les doce estrelles de la Xunión europea.

     Fontes: Wikipedia: Muséu del Louvre

                  Numismática visual