2025: Competición d’atletismu Finlandia-Suecia

 

Semeya: collectorcoin

Motivu conmemorativu: Centenariu de la competición d’atletismu ente Finlandia y Suecia

Volume d’emisión: 205.000         Fecha d’emisión: 8 d’agostu

 

     Les rellaiciones ente Finlandia y Suecia son les propies de cualisquier vecín col que se comparte planta nun edificiu, ye col que más interactuamos y col que caltenemos tratos más cercanos, que puen ser amistosos o non, de rivalidá o non, o un pocu de too. Daqué como’l tratu ente España y Portugal o Chequia y Eslovaquia. N’esti casu, la rivalidá vecinal resuélvenla, dende hai cien años, con unes prebes d’atletismu durante dos díes del mes d’agostu y con gran afluencia de públicu. La organización del eventu altérnase anualmente ente dambos países, cayendo la del centenariu en Suecia.

 

     Nel intre la moneda apaecen unes pates de correores sobre unes llínies que faen referencia a una pista d’atletismu. Riba, l’añu acuñación 2025; centrao y a manzorga, la marca de la ceca y a mandrecha FI, como iniciales del país emisor.

 

     Nel aniellu esterior, les doce estrelles de la Xunión europea.

 

     Fontes: Amienemigos de por vida: Cien años de rivalidad atlética entre Finlandia y Suecia.

                  Numismática visual