2025: Circuitu d’Spa-Francorchamps

Semeya: collectorcoins

 

Motivu conmemorativu: Circuitu d’Spa-Francorchamps

Volume d’emisión: 155.000         Fecha d’emisión: 25 xunetu

 

     El circuitu de carreres d’Spa-Francorchamps, ye ún de los más conocíos y meyores del mundu. Asitiáu na rexón francófona de Liexa, foi diseñáu en 1920 con una llargura de 14.120 metros y emplegando íntegramente, nel so percorríu, carreteres comarcales del país. Anguañu, el so trazáu ta zarriáu a la circulación ordinaria y caltién una llargura de 7.004 metros. A los amantes de la Fórmula 1 de xuru que –yos sonarán términos como Eau Rouge, Radillon, recta Kemmel, curva Stavelot, Chicane de Masta, “Bus Stop”… Y non solo F1, les sos variantes inferiores, F2 y 3000, campeonatos de motos, turismos, hasta en bici (el mesmu Tour de Francia escoyó’l circuito pa delles de les sos ediciones en tarrén belga) faen qu’equí les actividades seyan un non parar.

 

     Nel intre la moneda apaez un esquema del circuito d’anguañu cola lleenda CIRCUIT DE SPA FRANCORCHAMPS. Al mediu, la llargura’l circuitu, 7.004 M y l’añu d’inauguración, EST. 1921. Abaxo, les iniciales del país emisor xunto col añu acuñación BE 2025 llindiaos poles marques del mayestru de ceca belga y la ceca neerlandesa. A mandrecha, apaecen les iniciales IB de la diseñadora Iris Bruijns.

     Nel aniellu esterior, les doce estrelles de la Xunión europea.

 

     Fontes: Wikipedia: Circuitu d'Spa-Francorchamps.

                  Numismática Visual (castellán)